Xəbər verildiyi kimi, bu gün saat 09:00 radələrində Laçın rayonu Mollalar kəndi ərazisində ağır yol-nəqliyyat hadisəsi baş verib. “Ural” markalı avtomobilin qəzaya uğraması nəticəsində Məmmədov Məhəmməd Mübariz oğlu və Məmmədov Gülağa Gülməmməd oğlu həyatlarını itiriblər. Həlak olanların “AzərEnerji” ASC-nin əməkdaşları olduğu bildirilib.

Bu barədə “AzPolitika.info”-ya açıqlama verən “AzərEnerji” ASC-nin mətbuat katibi Teymur Abdullayev yayılan xəbərləri təkzib edib. O, qeyd edib ki, sözügedən qəzada həlak olan şəxslər “AzərEnerji”-nin əməkdaşları olmayıb.

“Ölkədə fəaliyyət göstərən informasiya saytlarında Məmmədov Məhəmməd Mübariz oğlu və Məmmədov Gülağa Gülməmməd oğlunun Laçında ağır yol nəqliyyat hadisəsi nəticəsində həlak olduğu və onların “AzərEnerji” ASC-nin əməkdaşı olmaları barədə məlumatlar yayılıb. Məlumat olaraq bildiririk ki, hadisə nəticəsində həlak olanlar “Azərenerji” ASC-nin deyil, ərazidə podrat işləri həyata keçirən Elektrikquraşdırma Müəssisəsinin əməkdaşlarıdır. “AzərEnerji” ASC həlak olanların yaxınlarına dərin hüzünlə başsağlığı verir”,-deyə o bildirib.

“AzPolitika.info”

***

Sentyabrın 19-da saat 09 radələrində Laçın rayonu Mollalar kəndi ərazisində ağır yol-nəqliyyat hadisəsi baş verib.

DİN-in mətbuat xidmətinin regional qrupundan bildirilib ki, “Ural” markalı avtomobilin qəzaya uğraması nəticəsində "Azərenerji"nin əməkdaşları Məmmədov Məhəmməd Mübariz oğlu və Məmmədov Gülağa Gülməmməd oğlu həyatlarını itiriblər.

Faktla bağlı araşdırma aparılır.