Qarabağdakı sabiq qondarma qurumun nəzarətindəki “artsaxbank”ın külli miqdarda pulu və qızıl-zinət əşyaları oğurlanıb.
“AzPolitika.info” Ermənistan mətbuatına istinadla xəbər verir ki, sözügedən bankın Xocavənd filialının başçısı Ermənistanın İstintaq komitəsinə müraciət edərək, filiala aid 150 min dollara yaxın pulun və 100 kisə qızıl-zinət əşyalarının oğurlandığını bildirib.
Söhbət yəqin ki, kiçik kisələrdən gedir. Şikayətçinin dediyinə görə, sentyabrın 22-də Qarabağdan çıxarkən, filiala aid pulları və qızılı öz avtomobilində Ermənistana keçirməyə qərar verib.
Lakin həmin gecə avtomobilin naməlum şəxslər tərəfindən qarət olunduğunu və bütün vəsaitlərin götürüldüyünü görüb. Hadisənin dəqiq hansı ərazidə törədildiyi göstərilmir və istisna edilmir ki, hər şey filial başçısının öz quramasıdır.
“AzPolitika.info”
Şərhlər
Çox güman ki beledir bankir bu serveti hardasa basdırıb gizledib. veziyyet düzelen kimi onları yavaş yavaş aradan çıxarmağa cehd edecek ve bu ermenilerin tarix boyu istıfade etdiyi metoddur.