İsrail polisinin «Lahav 433» bölməsinin kiber şöbəsi HƏMAS-a məxsus kriptovalyuta hesablarını dondurur.
"AzPolitika.info" «The Times of İsrael» nəşrinə istinadla xəbər verir ki, bu barədə polisdən verilən məlumatda deyilir. Polis sözçüsünün bildirdiyinə görə, HƏMAS şənbə günündən etibarən sosial mediada pul yığmaq üçün müəyyən hesablardan istifadə edib.
«Lahav 433» bu qruplaşmanın istifadə etdiyi kriptovalyuta kanallarını bağlamaq üçün Müdafiə Nazirliyi, Şin Bet və digər kəşfiyyat agentlikləri ilə işləyir. «Binance» kriptovalyuta birjası hesabların tapılması və bağlanması üçün İsraillə əməkdaşlıq edib. «Lahav 433» həmçinin «Barclays» bankındakı hesabı dondurmaq üçün İngiltərə polisi ilə birlikdə çalışıb.
Rüfət
AzPolitika.info
Şərhlər