Qəzza zolağından olan radikallar oktyabrın 7-dən İsrailə 11,5 mindən çox raket atıb, onlardan 2 mini Fələstin anklavının özünün ərazisinə düşüb.
“AzPolitika.info” TASS-a istinadla xəbər verir ki, bu barədə İsrail hökumətinin sözçüsü Eylon Levi xarici jurnalistlər üçün keçirdiyi brifinqdə bildirib. "Oktyabrın 7-də HƏMAS qırğını başlayandan bəri HƏMAS İsrailə 11.500-dən çox raket atdı. Bunlardan 2.000-dən çox buraxılış uğursuz olub, bu mərmilərin əksəriyyəti Qəzza zolağının özünə düşüb və əhəmiyyətli dağıntılara səbəb olub" -deyə Levi qeyd edib.
Onun sözlərinə görə, Qəzza zolağında hərbi əməliyyatlar başlayandan bəri İsrail Müdafiə Qüvvələrinin (IDF) qoşunları Fələstin anklavında radikal HƏMAS hərəkatının batalyon komandirlərinin azı yarısını öldürüb. "İsrail ordusu bu günə qədər HƏMAS batalyon komandirlərinin yarısını artıq öldürüb. Qoşunlar əhəmiyyətli hava dəstəyi ilə Qəzza zolağı daxilində irəliləməyə davam edir. Bu kampaniya artıq HƏMAS-ın hərbi imkanlarını əhəmiyyətli dərəcədə azaldıb", - Levi deyib.
Rüfət
AzPolitika.info
Şərhlər