Avropa müstəqil şəkildə yeni hərbi təhdidlərə hazırlaşmalıdır, bunun üçün isə 5-8 il zaman tələb olunur.
«AzPolitika.info» xəbər verir ki, bu fikri Almaniyanın müdafiə naziri Boris Pistorius “Welt am Sonntag” nəşrinə müsahibəsində deyib.
Pistorius təklif edib ki, bir neçə ildən sonra ABŞ diqqətini daha çox Hind-Sakit okean regionuna yönəldəcək və ABŞ-nin hərbi mövcudluğunun mümkün azalması fonunda Avropa yeni problemlərlə üzləşə bilər.
Pistorius deyib: "Biz qitəmizdə təhlükəsizliyin təmin edilməsində daha çox iştirak etməliyik, hərbi qüvvələr baxımından yetişməyimiz üçün təxminən 5-8 ilimiz var". Lakin o, bu xüsusi tarixləri niyə adlandırdığını təfərrüatlı açıqlamayıb.
Almaniya müdafiə nazirinin qeyd etdiyinə görə, Rusiya Ukraynanın işğalını dəstəkləmək üçün silah istehsalını əhəmiyyətli dərəcədə artırır, eyni zamanda Baltikyanı ölkələr, Gürcüstan və Moldovanı təhdid edir. "Biz bu onilliyin sonunda təhlükələrlə üzləşə bilərik. Lakin o vaxta qədər biz onlara hazır olacağıq", - deyə Pistorius vurğulayıb.
Rüfət
AzPolitika.info
Şərhlər