Naxçıvan Muxtar Respublikası Dövlət Statistika Komitəsi muxtar respublikada əhalinin sayını açıqlayıb. 2024-cü il yanvarın 1-nə olan proqnoza əsasən ötən illə müqayisədə əhalinin sayı 0,6 faiz çoxdur.
Naxçıvan MR Dövlət Statistika Komitəsinin əməkdaşı Elvin Quliyev “Report”un yerli bürosuna bildirib ki, 1 yanvar 2024-cü il tarixə muxtar respublikada əhalinin sayı 468 566 nəfər olub ki, bu da 1 il öncəki göstəricidən 0,6 faiz çoxdur. Ümumi əhalinin 49,9 faizini kişilər, 50,1 faizini isə qadınlar təşkil edib. Əhalinin 35,5 faizi şəhər, 64,5 faizi isə kənd yerlərində yaşayır. Muxtar respublikada bir kvadratkilometrə düşən əhalinin sayı isə 85 nəfərdir.
Statistikaya əsasən, ümumi əhalinin 97,2 min nəfəri Naxçıvan şəhərində, 113 min nəfəri Şərur, 77,8 min nəfəri Babək, 50,7 min nəfəri Ordubad, 48 min nəfəri Culfa, 33,5 min nəfəri Kəngərli, 25,4 min nəfəri Şahbuz, 23 min nəfəri isə Sədərək rayonunda qeydə alınıb.
Qeyd edək ki, 2023-cü ildən başlayaraq Naxçıvanda ev təsərrüfatlarının uçotunun aparılmasına başlanılıb. Bununla bağlı hazırlanmış Tədbirlər Planına uyğun olaraq yerlərdə icra hakimiyyətləri başçılarının rəhbərliyi ilə 8 yerli qərargah təşkil edilib və statistik məlumatlar dürüstləşdirilərək mərkəzi elektron sistemə yerləşdirib.
Şərhlər
Bu məlumatdan belə çıır kiŞNaxçıvanda 480 000 əhali yaşayır?Buna kim inanar? Naxçıvan əhalisinin 35-40 faizi (bəlkə daha çox ) Bakıda (çoxi da vəzifələrdə),12-15 faizi Rusoyada,20-25 faizi İan Türkiyədə işləməyə, gediblər.ona görə Statistika idarəsinin rəqəmləri uydurma olduğu şübhəsizdir. Bu diarə nə zaman real siyahiyə alma keçirib?Yalan məlumatlar yazmaqla dövlər büdcəsindən maaş almaq nə qədər qanunidir?