TƏBİB-in İcraçı direktoru Vüqar Qurbanovun təqdimatı ilə bəzi tibb müəssisələrinə yeni direktorlar təyin ediliblər.
Bu barədə qurumun sosial media hesabında paylaşım edilib.
Belə ki, Ağdaş Rayon Mərkəzi Xəstəxanasına İntiqam İbrahimov, Cəlilabad Rayon Mərkəzi Xəstəxanasına Namiq Həsənov, Kürdəmir Rayon Mərkəzi Xəstəxanasına isə Elçin Bilalov direktor vəzifəsinə təyinat alıblar.
Ağdaş Rayon Mərkəzi Xəstəxanasının direktoru İntiqam İbrahimov ixtisasca otolorinolarinqoloqdur. O, bu təyinatadək Ağdaş Rayon Mərkəzi Xəstəxanasının direktor müavini - baş həkim vəzifəsini icra edib.
Cəlilabad Rayon Mərkəzi Xəstəxanasının direktoru Namiq Həsənov ixtisasca cərrahdır. Yeni təyinatınadək Akademik M.A.Topçubaşov adına Elmi Cərrahiyyə Mərkəzinin şöbə müdiri kimi fəaliyyət göstərib.
Kürdəmir Rayon Mərkəzi Xəstəxanasının direktoru Elçin Bilalov ixtisasca terapevtdir. O, bundan əvvəl Ağdaş Rayon Mərkəzi Xəstəxanasının nəzdində olan Tofiqi Ailə Sağlamlıq Mərkəzinin müdiri vəzifəsində çalışıb.
Yeni direktorlar kollektivə təqdim olunub, vəzifələrinin icrasına başlayıblar.
Şərhlər
Hörmətli Azpolitika, sizbilən bunlar kimin qohum-əqrabası olar? Adamın fikri yüz yerə gedir. Sir-sifətdən də əməlli oxşatmaq olmur. Bunların sənədləri TƏBİB-in stolunun üstünə nətəri gedb çıxıb?
Cənab TƏBİB, bilmək istəyirik Şəki RMX Məcid Əliyevi və onun Maliyyə sahəsi üzrə müavini Vüqar Məmmədovu hansı savadına , təcrübəsinə və iş qabiliyyətinə görə təyin etmisiniz ? X.e. sualımızı cavablandırın.