Türkiyə Prezidenti Rəcəb Tayyib Ərdoğan seçkilərdən sonra hakim Ədalət və İnkişaf Partiyasının kabinetində və rəhbərliyində bir sıra dəyişikliklər edə bilər.
“AzPolitika” xıbər verir ki, bu barədə “Hürriyet” qəzetinin məşhur köşə yazarı Abdulkadir Selvi yazıb.
Ərdoğan çərşənbə axşamı hakim Ədalət və İnkişaf Partiyasının rəhbərliyi ilə görüş keçirib. Türkiyə lideri bir qədər əvvəl partiyanın yerlərdə yol verdiyi nöqsanlara görə bələdiyyə seçkilərində istədiyi nəticəni əldə edə bilmədiyini qeyd edib. Ona görə nəticələrin təhlil ediləcəyini bildirib.
“Bundan başqa, partiyanın qərargahı və Nazirlər Kabineti ilə bağlı dəyişikliklər də gecikmədən baş verməlidir. Bəzi nazir və müavinlərinin dəyişdiriləcəyi gözlənilir. Əgər bu dəyişikliklər vaxtında edilməsə, bu dəfə gözləntilər məyusluğa çevrilə bilər” - deyə, Abdulkadir Selvi qeyd edib.
“AzPolitika.info”
Şərhlər