“Ukraynalı uşaqlar gülümsəməyi unudublar” - Roma Papası Putinə müraciət edib

Roma Papası Fransisk Ukrayna və Qəzza zolağında müharibəyə son qoymaq üçün tərəfləri danışıqlar masasına oturmağa çağırıb. 

“AzPolitika” xəbər verir ki, “CBS News”-a verdiyi müsahibədə Roma Papasından Putinə mesajının olub-olmadığını soruşublar.

Papa cavab verib ki, danışıqlar yolu ilə əldə edilən sülh sonsuz müharibədən daha yaxşıdır: "Xahiş edirəm, müharibə vəziyyətində olan ölkələr, müharibəni dayandırın. Danışıqlar axtarın. Sülh axtarın".

O, xatırladıb ki, Rusiyanın Ukraynaya müdaxiləsi ukraynalı uşaqlar üçün dağıdıcı nəticələrə malikdir: "Bu uşaqlar gülümsəməyi bilmirlər. Mən onlara bir şey deyirəm, amma onlar gülümsəməyi unudublar. Bir uşaq gülümsəməyi unudursa, bu, çox ağırdır. Bu, həqiqətən çox ciddidir".

“AzPolitika.info”