Avropa İttifaqının Lüksemburqdakı Ədalət Məhkəməsi Rusiyanın Ukraynaya qarşı işğalçılıq müharibəsi ilə əlaqədar Aİ Şurasının milyarder Fərhad Əhmədova qarşı sanksiyalar tətbiq etmək qərarını ləğv edib.
Bundan əlavə, mayın 29-u məhkəmə Aİ Şurasının Əhmədova qarşı bu məhdudlaşdırıcı tədbirlərinin 2023-cü il martın 13-dək uzadılmasına dair qərarlarını da ləğv edib.
Bundan əvvəl Aİ jurnalında Əhmədovla bağlı məlumatda deyilirdi: “Fərhad Əhmədov rusiyalı iş adamıdır, onun fəaliyyəti enerji sektoru və Rusiyanın yerli siyasəti ilə bağlıdır. O, Rusiyanın qaz şirkətlərini avadanlıqlarla təchiz edən “Tansley Trading”-i təsis edib, Sibirin neft-qaz şirkəti “Nortgas”-da minoritar səhmdara çevrilib və “Bechtel Energy”-nin direktorlar şurasının sədri olub. O, Kremlə yaxındır və iqtisadiyyatın Rusiya Federasiyası hökumətinə əhəmiyyətli gəlir təmin edən sektorlarında iştirak edən aparıcı iş adamıdır”.
“AzPolitika.info”
Şərhlər