Təhsilverənlərin sertifikatlaşdırılması prosesində iştirak edən ibtidai sinif müəllimlərinin 20 faizi, yəni 6238 nəfər 51 bal və daha yüksək nəticə göstərib.
APA xəbər verir ki, bunu elm və təhsil naziri Emin Əmrullayev ADA Universitetində "Sertifikatlaşdırma 2024: peşəkar müəllim - keyfiyyətli təhsil" mövzusunda keçirilən tədbirdə çıxışı zamanı deyib.
O bildirib ki, həmin müəllimlərin vəzifə maaşına 35 faiz əlavə tətbiq olunur: "Prosesdə, ümumilikdə 31 852 ibtidai sinif müəllimi iştirak edib. Onların 86 faizi, yəni 21 141 nəfəri isə qənaətbəxş nəticə göstərib, yəni tələb olunan minimum 30 balı toplayıb. Həmin müəllimlərin əməkhaqqına 10 faiz məbləğində əlavə tətbiq edilir. Hər iki cəhddə keçid balını toplaya bilməyənlər cəmi 4030 nəfərdir ki, bu da ibtidai sinif müəllimlərinin 13 faizini təşkil edir. 443 müəllim isə hələ prosesdə iştirak etməyib".
İbtidai siniflər müəllimlərinin sertifikatlaşdırma nəticələrinə görə orta balı ən yüksək olan rayon və şəhərlərdə açıqlanıb.
Həmin rayon və şəhərlər aşağıdakılardır:
1. Sumqayıt
2. Bakı
3. Abşeron
4. Şirvan
5. Gəncə
6. Mingəçevir
7. Siyəzən
8. Quba
9. Oğuz
10. Şabran
11. Hacıqabul
12. Xaçmaz
13. Qazax
14. Salyan
15. Zəngilan
Şərhlər
Faktı açıqlayan nazir heç utanmır?Axı bu müəllimlər nazir olduğu Ali məktəbləri.yəni universitetləri bitiriblər.Bu necə olur?Deməli nazir universitetlərdə təhsilin təşkili və səviyyəsi ilə məşğul olmayıb,Öz vəzifə borcunu səhlənkarlıqla yerinə yetirib ki,universitetlərin məzunları lazım olan bal toplaya bilməyib.Belə halda nazir niyə işdən azad olunmamalıdır? Universitetlərə aşağı balla abuturiyent yıöan Məleykə Abbaszadənin məsuliyyəti niyə müzakirə olunmur? Niyəı Azrbaycanda orta və Ali təhsilin səviyyəsinə diqqət yetirilmir?