"GUAM çərçivəsində müxtəlif sahə nümayəndələri arasında görüş və danışıqlarda ünsiyyəti ingilis dili ilə müqayisədə rus dilində aparmaq daha səmərəlidir".
SalamNews-un RİA Novosti-yə istinadən verdiyi məlumata görə, bunu Xarici İşlər naziri Elmar Məmmədyarov deyib.
Nazir E.Məmmədyarov bildirib ki, GUAM çərçivəsində bir çox sahələrdə əməkdaşlıq mövcuddur: "Fikrimcə, həmin sahə nümayəndələrinin görüşləri və müzakirələrinin rus dilində aparılması daha rahat və səmərəlidir".
Onun sözlərinə görə, siyasi emosiyaların əsiri olmaq lazım deyil: "Dili ünsiyyət rahatlığı və diplomatiyada isə ətrafdakılara fikir və mövqeni daha dəqiq çatdırmaq üçün istifadə etmək lazımdır".
Bazeldə ATƏT XİNŞ-nin iclası çərçivəsində GUAM-ın növbəti görüşündə Ukraynanın Xarici İşlər naziri GUAM-ın iclaslarını ingilis dilində aparmağı təklif edib. GUAM-ın nizamnaməsinə əsasən, təşkilatın rəsmi dilləri ingilis və rus dilidir.
Şərhlər