Respublikanın müxtəlif ərazilərindəki yataqxana, sanatoriya, keçmiş pioner düşərgəsi, yarımçıq tikililər və inzibati binalarda müvəqqəti məskunlaşmış ailələrdən ibarət növbəti köç karvanı Laçın şəhərinə yola salınıb.
“Report” xəbər verir ki, bu mərhələdə Laçın şəhərinə daha 18 ailə - 59 nəfər köçürülüb.
Qeyd edək ki, Prezident, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan ordusunun Vətən Müharibəsində qazandığı Zəfər nəticəsində məcburi köçkünlərin 30 ildən sonra könüllü, təhlükəsiz və ləyaqətlə doğma yurdlarına qayıtmasına imkan yaranıb. Doğma yurda qayıdan Laçın sakinləri hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban xanım Əliyevaya təşəkkür ediblər. Onlar həmçinin torpaqlarımızı işğaldan qurtaran rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət, ailələrinə səbir diləyiblər.
Xatırladaq ki, indiyədək Laçın şəhərində 570 ailə, yəni 2 090 nəfər daimi məskunlaşıb.
Şərhlər
İşğaldan azad edilmiş ərazilərə bu bir neçə ildə bunca az sakinin getməyinin bircə səbəbi var:hamısı çoxdandı paytaxtda özünü necə var tutub,yağ içində böyrək kimi yaşayır.Bir də gedib oralarda sıfırdan necə başlasınlar yeni həyata?Nazirliklərdə,komitələrdə işləməyə öyrəşmiş adamlardı.Oralara nazirliklərdən bəzilərini köçürək ki həvəslə getsinlər.Yoxsa bu gedişlə 1000 il lazımdı köçməklərinə.
Yağlı vəzifədə olanlardan,villalı-obyektli olanlardan getmək istəyəni yoxdu yəni oralara?Yoxsa voenkomata çağırış imiş kimi hər dəfə otpravkadan saxlayırlar özlərini?