“Lalə xanım xroniki ürək xəstəliyindən əziyyət çəkir. Hazırda Bakıda ev şəraitində həkim nəzarətindədir. Səhhətində müsbətə doğru ciddi bir irəliləyiş yoxdur”.
“AzPolitika” xəbər verir ki, bu sözləri “Teleqraf.com”a ləğv edilmiş Azərbaycan Liberal Partiyasının (ALP) sabiq lideri, keçmiş dövlət katibi Lalə Şövkətin oğlu Sidqi Şövkət deyib.
“Lalə xanım 2020-ci ildə ürək əməliyyatı keçirib. O vaxtdan səhhətində problemlər daha da artıb. Daimi konsultasiya olunur. Həkim nəzarəti olmasa səhhəti daha da pisləşər”, - deyə o əlavə edib.
Sidqi Şövkət anasının kənar yardım olmadan sərbəst hərəkət edə bilmədiyini bildirib: “Səhhətinə görə mütləq ona kənardan kömək edilir ki, o, ev şəraitində gəzə bilsin”.
Qeyd edək ki, Lalə Şövkətin 73 yaşı var. O, 1993-1994-cü illərdə Azərbaycanın dövlət katibi olub. İstefa verdikdən sonra Liberal Partiyasını yaradıb.
Xatırladaq ki, Azərbaycan Liberal Partiyası 2023-cü ildə fəaliyyətinə son verdiyi barədə bəyanat yayıb.
Şərhlər
Vaxtilə naşükür paşazadə ilə əlbir olub oyuncaq əlikramı aldadıb göndərdilər lənkarana və ona tapşırdılarki,muğan respublika elan et,əlikram savadsız qoyun bunlardan soruşur niyə bunu etməliyəm,bunlarda onu aldadıb deyirlər yuxarının əmridir,avropa birliyi tələb edir Ə.Elçibəy vəzifəsinə qayıtsın,sən bunu etsən bizdə avropaya deyərik Ə.Elçibəyin yaratdığı millətçiliyə görə cənublilər bizdən ayrılır,qoy qayıtmasın.