Təhlükəli qida məhsullarını istehsal edənlər, satışını təşkil edənlər və ya satış məqsədilə saxlayanlar 10 ilədək müddətə azadlıqdan məhrum ediləcək.
APA xəbər verir ki, bu, Cinayət Məcəlləsinə təklif edilən yeni - 200-3-cü maddədə əksini tapıb.
Layihəyə əsasən, bilə-bilə insan həyatı və sağlamlığı üçün təhlükəli qida məhsullarının istehsalı, satışı və ya satış məqsədilə saxlanması, bu əməllər xeyli miqdarda törədildikdə iki ilədək müddətə müəyyən vəzifə tutma və ya müəyyən fəaliyyətlə məşğul olma
hüququndan məhrum edilməklə və ya edilməməklə on min manatdan on beş min manatadək miqdarda cərimə və ya bir ilədək müddətə azadlığın məhdudlaşdırılması və ya bir ilədək müddətə azadlıqdan məhrum etmə ilə cəzalandırılacaq.
Layihəyə əsasən, eyni əməllər:
- təkrar törədildikdə;
- qabaqcadan əlbir olan bir qrup şəxs və ya mütəşəkkil dəstə tərəfindən törədildikdə;
- külli miqdarda törədildikdə üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə bir ildən üç ilədək müddətə azadlığın məhdudlaşdırılması və ya bir ildən üç ilədək müddətə azadlıqdan məhrum etmə ilə cəzalandırılacaq.
Yuxarıda nəzərdə tutulmuş əməllər ehtiyatsızlıqdan zərərçəkmiş şəxsin sağlamlığına az ağır və ya ağır zərər vurulmasına səbəb olduqda üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə iki ildən dörd ilədək müddətə azadlıqdan məhrum etmə ilə cəzalandırılacaq.
Yuxarıda nəzərdə tutulmuş əməllər ehtiyatsızlıqdan insan ölümünə və ya digər ağır nəticələrə səbəb olduqda - üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə dörd ildən yeddi ilədək müddətə azadlıqdan məhrum etmə ilə cəzalandırılacaq.
Yuxarıda nəzərdə tutulmuş əməllər ehtiyatsızlıqdan iki və daha çox şəxsin ölümünə səbəb olduqda - üç ilədək müddətə müəyyən vəzifə tutmaq və ya müəyyən fəaliyyətlə məşğul olmaq hüququndan məhrum edilməklə beş ildən on ilədək müddətə azadlıqdan məhrum etmə ilə cəzalandırılacaq.
Şərhlər
Məhkəmələrə yeni rüşvət bazası.
AQTA-nın məsuliyyətsiz ,rüşvətə yönəlik fəaliyyəti ərzaq mallarının zərərli tərkiblərinə nəzarətsizliyə,satışa verilən malların nəzarətdən kənar qalmasına.yalan sertifukatlar verilməsinə və yararsız məhsulların satışa çıxarılmasına imkan yaraan öncül səbəbdir.AQTA isə nəzarətsizlikdən istifadə edir və nəticədə xalq arasında xəstəlik.zəhərənmə,ölüm halları urmadan artır.Məsul şəxslər bu adu halı görməzdən gəlir.
İlk olaraq Azərsundan başlamaq vacibdir.Onun istehsal etdiyi məhsulların mənşəi,ərzaq mallarına əlavələr olduqca şübhəlidir.yeksun adlı yağ Türkiyə malı eyil! Çünki bu adda yağ orada rast gəlinmir.Tərkibi isə olduqca şübhəlidur.
Əgər bu doğrudursa o aman Azərsundan başlamaq faha doğru olar.İllərdir milləti fiktiv,sintütik məhsullarla zəhərləiyinə niyə diqqət edən yoxdur.