Şəkidə meşəlik ərazini kəsməklə təbiətə külli miqdarda ziyan vurmaqda ittiham olunan “AQA Şirkətlər Qrupu”nun vitse-prezidenti Qafar Dəmirçi azadlığa buraxılıb.
“Qafqazinfo”nun əldə etdiyi məlumata görə, Dəmirçi 8 milyon manatlıq ziyanı tam ödəyib.
Belə ki, dəymiş ziyan tam ödənildiyi üçün Baş Prokurorluq qətimkan tədbirinin ləğvi üçün təqdimat verib. Nərimanov Rayon Məhkəməsi təqdimatı təmin edib. Qafar Dəmirçi və işçiləri sərbəst buraxılıblar.
Qeyd edək ki, “plazalar kralı” kimi tanınan Qafar Dəmirçi və şirkətinin işçiləri bir həftə əvvəl DİN-in Baş Mütəşəkkil Cinayətkarlıqla Mübarizə İdarəsi tərəfindən həbs edilmişdi.
İttihama görə, onun rəhbərlik etdiyi “Monte Ferro” şirkəti Şəkinin iki kəndini əhatə edən meşəlik ərazilərində müxtəlif növ ağacları qanunsuz kəsib. Ona qarşı Cinayət Məcəlləsinin 259.3-cü (ağacları kəsmə-qabaqcadan əlbir olan bir qrup şəxs tərəfindən xeyli və külli miqdarda ziyan vurmaqla) maddəsi ilə ilkin ittiham elan edilib.
Xatırladaq ki, daha əvvəl “AQA Şirkətlər Qrupu”nun təsisçisi, tanınmış iş adamı Aydın Dəmirçi ağacları kəsərək təbiətə vurduqları külli miqdarda ziyana görə üzr istəmişdi.
Şərhlər
Bəs deyirlər Azərbaycanda rəsmi milyoner yoxdur, al bu da sənə nur topu kimi milyoner. Amma....., görəsən bu 8 milyona görə nə qədər vergi ödənilib?
atası dəyib ki çoxlu ağac əkiləcək
Qafarı tanısaydm deyərdim ki, cinayəti törədib pulunu ödəmə, əvvəlcə pulunu ödə sonra törət ki, boş yerə vaxt itirməyəsən.Keçmiş olsun, hadi koş, arkadaşların yaxtada seni bekliyo. Tatını çıkarmamız gerekyooooo!!!