ABŞ dövlət katibi Marko Rubio xarici nümayəndəliklərə ABŞ-yə viza üçün müraciət edən şəxslərin Fələstinə dəstək olub-olmadığını müəyyən etmək üçün onların sosial media hesablarını araşdırmağı tapşırıb.
“AzPolitika” xəbər verir ki, bu barədə “The New York Times” nəşri hökumət rəsmilərinə istinadla məlumat yayıb.
Məlumata görə, martın 25-də göndərildiyi deyilən təlimatda həmçinin ABŞ-yə qarşı tənqidi fikirlər səsləndirən və viza üçün müraciət edən insanların sosial media məzmunlarının araşdırılması da tapşırılıb.
Qeyd olunub ki, Fələstinə dəstək verən və ABŞ-də təhsil almaq üçün viza müraciəti edən tələbələrə artıq sözügedən nüans əsas gətirilərək rədd cavabı verilir.
Xatırladaq ki, Rubio bu yaxınlarda 300-dən çox əcnəbi tələbənin vizasının ləğv edildiyini açıqlamışdı.
“AzPolitika.info”
Şərhlər