ABŞ administrasiyası dərhal Çinə ticarət tariflərini 125 %-ə qədər artırır.
“Report” xəbər verir ki, bu barədə ABŞ Prezidenti Donald Tramp “Truth Social” sosial şəbəkəsində yazıb.
"Çinin qlobal bazarlara hörmət etmədiyini nəzərə alaraq, mən ABŞ-nin tətbiq etdiyi rüsumları dərhal 125 %-ə qaldırıram", - Tramp qeyd edib.
Bundan əvvəl Tramp qeyd edib ki, Çin uzun müddətdir davam edən “ticarət pozuntuları”na əlavə olaraq sabaha qədər 34 %-lik artımı ləğv etməzsə, ABŞ aprelin 9-dan etibarən Çinə əlavə 50 %-lik tarif tətbiq edəcək.
Xatırladaq ki, aprelin 2-də ABŞ Prezidenti Donald Tramp 185 ölkə və ərazinin məhsullarına gömrük rüsumunun tətbiq ediləcəyini açıqlamışdı.
Şərhlər
Dünya bir dəlinin əlində qalıb. Çox çəkməz bu tarif məsələsi də ya ləğv olar ya da bərbad nəticəsi ilə Amerika qarışıq hamıya uğursuzluq gətirər. Trampın hər sözü blefə daha çox bənzəyir...