Ötən gün Rusiya Xarici Kəşfiyyat Xidmətinin rəhbəri Sergey Narışkin Polşa və Baltikyanı dövlətləri hədələyən bəyanatla çıxış edib.
O deyib ki, NATO-Rusiya hərbi qarşıdurması olacağı halda ilk zərbəni alan ölkələr məhz Pribaltika dövlətləri və Polşa olacaq: “Əgər NATO Rusiya-Belarus İttifaq dövlətinə qarşı hərbi addım atsa, birinci zərbə ilə bu ölkələr üzləşəcəklər”.
“AzPolitika” xarici KİV-ə istinadla xəbər verir ki, Polşa Prezidenti Anjey Duda Zaqrebdə Narışkinin hədələrinə cavab verib. O deyib ki, Rusiya kəşfiyyatının rəhbəri Polşa və Baltikyanı ölkələri hədələyən klassik rus dezinformasiyasını yayır.
Dudanın fikrincə, bu bəyanat “sovet təbliğat məktəbinə xas olan klassik rus dezinformasiyasının” nümunəsidir: "Bunu öz nüvə silahlarını Belarusa yerləşdirən, həyasızcasına NATO və Avropa İttifaqının sərhədlərinə yaxınlaşdıran Rusiya deyir. NATO-ya qarşı aqressiv davranan, özünün qəddar və qaniçən imperializmini həyata keçirən Rusiya son üç ildə Ukraynaya hücum edir".
O, həmçinin vurğulayıb ki, NATO sırf müdafiə ittifaqıdır: "NATO-nun etdiyi hər şey Rusiyanın təcavüzünə cavabdır... NATO heç vaxt heç kimə hücum etməyib və heç kimə hücum etmir, bu, müstəsna olaraq təhlükəsizliyi dəstəkləyən alyansdır".
“AzPolitika.info”
Şərhlər
Rusiyanı qudurdan ancaqTrampdır ki neye görese Putine dayanmadan açıq açığına yaltaqlanlr,eslinde o usteseydi Russiyanı çixdan tarımcan etmişdiler artlq gecdur bu qudyrmuş iti tutub saxlamaqçix çetin olacaq.