Bu gün Azərbaycan Ağsaqqallar Şurasının İdarə Heyətinin növbədənkənar iclası keçilib.
Ağsaqqallar Şurasının İdarə Heyətindən verilən məlumata görə, iclasda İmişli Rayon Ağsaqqallar Şurasının sədri Saleh Səmədovun mayın 9-da İmişlinin Sarıxanlı kəndində faşizm üzərində Qələbə Günü münasibətilə təşkil olunan tədbirdə SSRİ bayrağı altında, sinəsində rus imperiyasının rəmzi olan “Georgi lenti” ilə çıxış etməsi ilə əlaqədar məsələyə baxılıb.
İdarə Heyəti Şuranın adına ləkə gətirən hərəkətlərə yol verdiyinə, Azərbaycan Ağsaqqallar Şurasının Nizamnamə tələblərini kobud şəkildə pozduğuna görə Saleh Səmədovun İmişli Rayon Ağsaqqallar Şurasının sədri vəzifəsindən azad edilməsi, o cümlədən Azərbaycan Ağsaqqallar Şurasının üzvlüyündən çıxarılması barədə qərar qəbul edib.
Azərbaycan Ağsaqqallar Şurasının aparatına yerli bölmələrin fəaliyyətinə nəzarətin artırılması barədə tapşırıqlar verilib.
Qeyd edək ki, Azərbaycan Respublikası Ağsaqqallar Şurasının İdarə heyətinin üzvü Misir Mərdanov açıqlama verərək, Saleh Səmədovun hərəkətini separatçı və Azərbaycanın bugünkü siyasətinə uyğun gəlməyən bir hərəkət kimi qiymətləndirib.
Şərhlər
Görün ölkədə nə qədər satqın var imiş..belələrindən hər nə desən gözləmək olar..
sabunsuz danıshır dash bashuva
Adam separatçıdır.... Nə qədər ki, ölkədən qaçmayıb barəsində ciayət işi qaldırılıb həbs edilməlidr. Bundan hər şey gözləmək olar.
Kül senin ağsaqqal başıba..."ağsaqqala" bax da... bu ağsaqqal yox nadanın biridur.
Bu ağsaqqal yox ... ki!....