Mərkəzi Bank növbəti dəfə uçot dərəcəsi ilə bağlı qərarını açıqlayacaq

Azərbaycan Mərkəzi Bankı (AMB) sabah, yəni iyunun 11-də növbəti dəfə uçot faiz dərəcəsi ilə bağlı qərarını verəcək.

Mərkəzi Bankdan bildirilib ki, faiz dəhlizinin parametrləri ilə bağlı növbəti qərarlar faktiki və proqnozlaşdırılan inflyasiya, xarici və daxili risk amillərinin dinamikasından asılı olaraq veriləcək.

Qeyd edək ki, son bir ildə AMB uçot dərəcəsini sabit saxlayıb. Hazırda uçot dərəcəsi 7,25%, faiz dəhlizinin aşağı həddi 6,25%, faiz dəhlizinin yuxarı həddi isə 8,25% təşkil edir.