İranın yeni nüvə obyektləri yaratmaq cəhdi onların məhv edilməsi ilə nəticələnəcək - Tramp

ABŞ Prezidenti Donald Tramp İranın yeni nüvə obyektləri tikmək qərarı alacağı təqdirdə, onların dərhal məhv ediləcəyini bəyan edib.

APA xəbər verir ki, Tramp bu barədə "Truth Social" platformasında yazıb.

“İranın üç nüvə obyekti tamamilə dağıdılıb və ya məhv edilib. Əgər İran istəsə, bu obyektləri başqa üç yerdə sıfırdan tikmək onlar üçün daha asan olardı, amma həmin obyektlər də dərhal məhv ediləcək", - Ağ Ev rəhbəri yazıb.