"Qarabağ" UEFA Çempionlar Liqasının II təsnifat mərhələsinin ilk oyununda səfərdə İrlandiya təmsilçisi "Şelburn"a böyük hesabla qalib gəlib.
“Report”un məlumatına görə, Dublindəki “Tolka Park” arenada baş tutan görüşdə Ağdam kollektivi 3:0 hesablı qələbəyə sevinib.
"Köhlən atlar"ın heyətində Leandro Andrade (13), Aleksey Kaşuk (81) və Nəriman Axundzadə (85) fərqləniblər.
Qeyd edək ki, komandalar arasında cavab görüşü iyulun 30-da Bakıda keçiriləcək. Növbəti tura adlayan tərəf III təsnifat mərhələsində “Şkendiya” (Şimali Makedoniya) – FCSB (Rumıniya) cütünün qalibi ilə üz-üzə gələcək.
Şərhlər
Bu qolların ikicəsini sonrakı oyuna deyil, 3cü, 4cü turlara saxlardınız? Futbol ölçüsüz yumor-felyeton, pilotsuz uçaq və dünyəvi sözləşmə SİYASƏTi deyil ki? Ölçün-biçin hər oyuna, gedişə-gəlişə uyğun sözlər-taktika seçin ki, təvazökarlıq Köhlən at kimi kişnəməsin, sakit-laminar axınla minimal-daim qələbələrə nail olasınız? Ötən il bir oyunda 7 qol rəqiblərinizi bombardmançı ruhlarına qaldırmadımı?