Rəsmi Vaşinqton “Hizmət” hərəkatının lideri Fəthullah Gülənin Türkiyəyə ekstradisiysından danşıb. ANS PRESS-in məlumatına görə, Mari Harf gündəlik mətbuat konfransında Xarici İşlər Nazirliyinin bu məsələni şərh etmədiyini bildirib.
“ABŞ Dövlət Departamenti uzun müddətdir tətbiq etdiyi siyasətinə görə, ekstradisiya tələbləri barədə hər hansı şəkildə açıqlama vermir, hətta belə bir tələb olub-olmadığını da təsdiq və ya təkzib etmir” – deyə Harf bildirib.
Jurnalistin, 1970-ci ildə ABŞ-la Türkiyə arasında ekstradisiya razılaşması imzalandığını xatırlatmasından sonra hökumət sözçüsü mövzunu şərh edə bilməyəcəyini təkrarlayıb.
Qeyd edək ki, ABŞ Ədliyyə Nazirliyinin əməkdaşlarından biri də “Anadolu” agentliyinin müxbirinə, dövlət siyasətinə görə ekstradisiya mövzularının şərh olunmadığını demişdi.
Şərhlər