ABŞ Prezidenti Donald Tramp “The New York Times” qəzetinə qarşı “böhtan və qaralam kampaniyası” iddiası ilə 15 milyard dollarlıq iddia qaldırdığını açıqlayıb.
Bu barədə Tramp “Truth” sosial media hesabından paylaşım edib.
Qəzetin ABŞ-nin keçmiş vitse-prezidenti və keçmiş prezidentliyə namizədi Kamala Harrisə dəstəyini tənqid edən Tramp, "Onların Harrisə verdiyi dəstək "The New York Times"ın ön səhifəsində yer aldı və bu, misilsizdir. Bu, indiyə qədər edilən ən böyük qanunsuz seçki yardımıdır", -deyə qeyd edib.
Tramp “New York Times” qəzetinin “uzun illərdir sistematik olaraq yalan, böhtan və böhtandan istifadə etdiyini” əlavə edib.
Prezident Tramp mətbuata xatırladıb ki, onlar daha əvvəl "ABC" və "CBS" kimi media qurumlarına qarşı məhkəmə çəkişmələrində “uğurlu nəticələr” əldə ediblər və oxşar təzminat qazanıblar.
"AzPolitika.info"
Şərhlər