“Ramiz Mehdiyevin müstəqil dövlətçiliyə qarşı etdiyi hərəkətlər onun Akademiyaya üzv qalmasına imkan vermir”.

"AzPolitika" xəbər verir ki, bunu bir neçə gün öncə jurnalistlərə açıqlamasında Azərbaycan Milli Elmlər Akademiyasının (AMEA) prezidenti İsa Həbibbəyli deyib.

İsa Həbibbəylinin açıqlamasında diqqət çəkən məqam odur ki, o, videoda əvvəlcə “müəllim” ifadəsini işlədir, bir neçə saniyə sonra isə həmin anlayışı konkret adla – Ramiz Mehdiyevlə əvəz edir.

Əslində İ. Həbibbəylinin bu düzəlişi təsadüfi deyil. Çünki uzun illər Azərbaycan siyasi və akademik mühitində Ramiz Mehdiyev “müəllim” kimi təqdim olunub, bu ad onun ətrafında toxunulmazlıq və xüsusi status formalaşdırıb. Həbibbəylinin isə bu ifadədən imtina edib birbaşa ad çəkməsi, R. Mehdiyevin həmin statusunun artıq keçmişdə qaldığını göstərir.

Qeyd edək ki, Ramiz Mehdiyev 1995–2019-cu illərdə Prezident Administrasiyasının rəhbəri, 2019–2022-ci illərdə isə AMEA-nın prezidenti olub. Dövlətə xəyanət, dövlət hakimiyyətini ələ keçirməyə yönələn hərəkətlər kimi cinayətlərdə ittiham olunan “boz kardinal” barəsində 2 ay əvvəl ev dustaqlığı qətimkan tədbiri seçilib.

"AzPolitika.info"