"Azərpoçt”da yeni kadr təyinatı həyata keçirilib. Valyuta.az-ın məlumatına görə, İbrahim Əhmədov "Azərpoçt” MMC-də Müştəri Dəstəyi Departamentinin direktoru vəzifəsinə təyin edilib.
İ.Əhmədov bundan əvvəl, 2024-2026-cı illərdə "Azərpoçt”da Müştəri Xidmətləri şöbəsinin rəhbəri vəzifəsində çalışıb.
2014-2024-cü illər müddətində "Azərcell Telecom”da Bakı Müştəri Dəstək Xətti üzrə komanda nümayəndəsi, Təlim bölməsi üzrə mütəxəssis, Müştəri və Rəqəmsal Dəstək komandası rəhbəri vəzifələrini icra edib.
O, 2005-2009-cu illərdə Azərbaycan Beynəlxalq Universitetində informasiya və riyaziyyat ixtisası üzrə bakalavr təhsili alıb. Hazırda isə 2022-ci ilin noyabr ayından etibarən Atatürk Universitetində biznesin idarə edilməsi üzrə bakalavr proqramı üzrə təhsilini davam etdirir.
Şərhlər
Oxucuya, çünki Azərbaycanda vəzifəyə ali savadlı bisavadlar təyin olunur.
ABU rüşvətxorluğun və korrupsiyanın çiçəkləndiyi bir yer idi. Orada təhsildən başqa hər şey var idi . Savadlı uşaqlar özlərinə hörmət edərək daha samballı universitetlər seçirdilər.
Çox maraqlıdır, azərbaycan Beynalxalq Universitetinin məzunları irəli kəçilir ! Vəkillərin , Hakimlərin, Ədliyyə Nazirinin rəhbər işçiləri Beynalxalq Univeritetini qurtaranlardır...?