“ABŞ-ın sanksiyaları beynəlxalq problemlərin həllində ikitərəfli əməkdaşlıq perspektivlərini şübhə altına qoyur”.
APA-nın “RİA Novosti”yə istinadən verdiyi məlumata görə, bunu Rusiya Xarici İşlər Nazirliyinin rəsmi nümayəndəsi Aleksandr Lukaşeviç bəyan edib.
“Elə bir təəssürat yaranır ki, sanki Vaşinqtonda kimsə Rusiya-ABŞ münasibətlərinin karkasını daha çox silkələmək istəyir. Bunun üçün də yeni səbəblər uydurulur”, - deyə o vurğulayıb.
Diplomat qeyd edib ki, ABŞ-ın addımları İranın nüvə problemi, Suriya böhranı və digər aktual beynəlxalq problemlərinin həllində ikitərəfli əməkdaşlığın perspektivlərini sual altına qoyur: “Artıq Vaşinqtonda əmin olublar ki, biz bu addımları cavabsız qoymuruq və qoymayacağıq”.
Şərhlər