“İrəvan Qərbin xeyrinə oynamağa başlasa, Rusiya Ermənistana verdiyi bütün “hədiyyələr”i və güzəştləri geri götürəcək”.
"AzPolitika" xəbər verir ki, bunu Rusiya Dövlət Dumasının Beynəlxalq Əlaqələr Komitəsi sədrinin müavini Aleksey Çepa TASS-a deyib.
Çepa vurğulayıb ki, Ermənistan üçün eyni vaxtda həm Avropa İttifaqında, həm də Avrasiya İqtisadi Birliyində olmaq, yəni “iki stulda oturmaq” mümkün olmayacaq:
“Onlar Rusiyadan bütün güzəştləri almaq, eyni zamanda Qərbin xeyrinə oynamaq istəyirlər. Qoy oynasınlar. Amma o zaman biz də təbii olaraq uzun illər ərzində həmin ölkəyə etdiyimiz bütün güzəştləri və “hədiyyələr”i geri götürəcəyik. Paşinyan üçün isə bu, çox çətin olacaq”.
Deputatın fikrincə, Ermənistan KTMT-dən çıxmaq istəsə, heç kim buna mane olmayacaq: “Bunu heç kim etməyəcək, qoy özləri çıxsınlar. İstəmirlərsə, çıxsınlar. Kimsə kimsəni burada zorla saxlamır”.
Şərhlər