Krımda dron zərbəsi nəticəsində Gürcüstanın Bolnisi bələdiyyəsinin Arıxlı kəndindən olan 45 yaşlı Mahir Məmmədovun öldüyü bildirilir.
“AzPolitika” xəbər verir ki, yerli mediada yayılan məlumatlara görə, Mahir Məmmədov yük avtomobili ilə hərəkətdə olarkən nəqliyyat vasitəsi dron zərbəsinə məruz qalıb.
Zərbədən sonra avtomobildə yanğın başladığı və sürücünün hadisə yerində öldüyü bildirilir.
Azərbaycan saytlarının bir hissəsi xəbəri “Qafqazinfo”ya, digərləri isə Gürcüstanın “24News.ge” portalına istinadla yayıb. Hadisəni təsdiqləyən rəsmi qurumun açıqlaması və ilkin sübutlar təqdim olunmayıb.
Bir sıra nəşrlər zərbənin Ukraynaya məxsus dronla endirildiyini yazıb. Lakin Ukrayna və Rusiya qurumlarının konkret hadisə ilə bağlı rəsmi açıqlaması olmadığından dronun mənşəyi və hücuma görə məsuliyyət müstəqil təsdiqlənməyib.
Mahir Məmmədovun nəşinin dəfn üçün Arıxlı kəndinə gətirilməsi istiqamətində iş aparıldığı bildirilir. Bu məlumat da media xəbərlərinə əsaslanır.
Hadisə barədə rəsmi məlumat verilərsə, xəbərə əlavə olunacaq.
AzPolitika.info
Şərhlər