Səudiyyə Ərəbistanının Energetika Nazirliyi bir neçə hücumdan sonra “Şərq - Qərb” neft kəmərinin Mədinə və Ər-Riyad bölgələrindəki hissələrində fəaliyyəti müvəqqəti dayandırıb.
“AzPolitika” xəbər verir ki, bu barədə ölkənin Energetika Nazirliyi “X” sosial şəbəkəsində məlumat yayıb.
Hücumlar nəticəsində xəsarət alan bir neçə nəfərə tibbi yardım göstərilib. Qəza-bərpa briqadaları boru kəmərinin vəziyyətini yoxlamağa və obyektlərin təhlükəsizliyini təmin etməyə başlayıblar. Bəzi obyektlərdə yanğınlar qeydə alınıb.
Hücumlara görə məsuliyyəti Yəməndəki husilər üzərilərinə götürüblər. Bununla yanaşı, ABŞ mənbələrinin məlumatına görə, PUA-ların İraq ərazisindən yönəldilən yönümlü qruplaşmalar tərəfindən buraxılması versiyası da istisna edilmir.
Qeyd edək ki, uzunluğu təxminən 1200 kilometr olan “Şərq - Qərb” neft kəməri Şərq əyalətinin neft hasilatı bölgələrini Qırmızı dəniz sahilindəki Yanbu limanı ilə birləşdirir. Onun buraxılış gücü sutkada 7 milyon barrelə çatır.
Şərhlər