Səudiyyə Ərəbistanının Hərbi Hava Qüvvələri son iki sutka ərzində Yəməndə husilərin nəzarətində olan ərazilərə 129 hava zərbəsi endirib.
"AzPolitika" APA-ya istinadla xəbər verir ki, bunu “Ənsar Allah” hərəkatının rəsmi nümayəndəsi Yəhya Səriya açıqlayıb.
“Son 48 saat ərzində Səudiyyə Ərəbistanı aviasiyası Taiz, Marib, Əl-Hudeydə, Əl-Cauf, Səada, Əmran və Həccə vilayətlərinə 129 zərbə endirib”, – Yəhya Səriya iddia edib.
Onun sözlərinə görə, zərbələr zamanı Səudiyyə Ərəbistanının Xamis-Müşeyt və Ət-Taifdəki hərbi bazalarından qalxan F-15 və “Typhoon” qırıcılarından istifadə olunub.
“Ənsar Allah” nümayəndəsi husilərin bu zərbələri cavabsız qoymayacağını bildirib.
Səudiyyə Ərəbistanı tərəfi husilərin açıqladığı rəqəmləri hələlik təsdiqləməyib.
Şərhlər