Yaxın illərdə Özbəkistanda kritik minerallar sahəsində dəyəri 4 milyard dollardan çox olan 120 layihənin həyata keçirilməsi nəzərdə tutulur.
"AzPolitika" xəbər verir ki, bu barədə Özbəkistan Prezidenti Şavkat Mirziyoyev Seulda Özbəkistan-Koreya biznes forumunun açılışında bildirib.
Dövlət başçısı qeyd edib ki, 2030-cu ilə qədər Özbəkistan elektrotexnika sahəsinin həcmini 11 milyard dollara, ixracı isə 5 milyard dollara çatdırmaq niyyətindədir.
Bundan əlavə, o həmçinin Koreya investorlarına nəqliyyat və şəhər infrastrukturunda layihələr həyata keçirməyi təklif edib - "bunlar Yeni Daşkənddəki obyektlər, hava limanları, dəmir yolları, magistral yollar və logistika mərkəzləridir".
Ş.Mirziyoyev bildirib ki, Özbəkistan Koreya şirkətlərinin Mərkəzi Asiyada istehsal və ixrac habına çevrilə bilər: "Bu təşəbbüsləri həyata keçirmək üçün Özbəkistan-Koreya Sənaye-Texnologiya Alyansını yaratmaq təklif edilib".
Şərhlər