“... MERKEL PUTİNLƏ SÖVDƏLƏŞƏCƏK” - Obamaya MESAJ

ABŞ-ın BMT-dəki keçmiş səfiri Amerikanın “Fox news” televiziya kanalına maraqlı müsahibə verib. “AzPolitika.info”-nun məlumatına görə, ABŞ-ın BMT-dəki keçmiş səfiri, 2001-2005-ci illərdə ABŞ Dövlət Departamenti rəhbərinin silahlanmaya nəzarət məsələlərinə dair müavini olmuş Con Bolton prezident Barak Obamanı Ukaryna məsələsində qərarsızlıqda günahlandırıb. Həmin kanalda danışan senator Con Makkeyn də Ukraynaya hərbi texnikanın göndərilməsinin vacib olduğunu vurğulayıb. Müxbirin sullarını cavablandıran Con

Bolton deyib: ”Düşünürəm ki, həm almanlar, həm də Anqela Merkel ideal bir nümunə kimi NATO-nu və Amerikanı müdafiə edirlər. Ola bilsin ki, Almaniya kansleri Putinə qarşı daha sərt mövqe tutmağa hazırdır. Lakin o, ABŞ rəhbərliyinin və əsasən də prezident Obamanın Rusiyanın Avropada göstərdiyi hərbi təcavüzə qarşı sərt siyasət nümayiş etdirməsinin əlamətlərini görmür. Elə məhz bu səbəbdən də kansler Merkelin yalnız özü haqqında

düşünməkdən başqa çarəsi qalmır. Əgər ABŞ liderlik rolunu lazımı şəkildə öz üzərinə görürməzsə, onda Anqela Merkel bu məsələdə Almaniya üçün gərəkli olan sövdələşməyə gedəcək”.

Bolton Obamanı Ukraynaya təcili hərbi yardıma çağırıb: “Hər-halda Barak Obama ölüm yağdıran müdafiə silahlarını Ukraynaya göndərə bilər. Ancaq bu istiqamətdə hər hansı bir ciddi addım atmağı düşünürsünüzsə, heç olmazsa indi bunun 20 %-ni həyata keçirmək lazımdır. Bu məsələdə artıq yarım il geçikmişik...

Fikirləşirəm ki, indiki vəziyyətdə Putinin son məqsədinin nədən ibarət olduğu hələlik tam aydın deyil. Lakin ABŞ və NATO tərəfindən heç bir real cavab verilmədiyindən, Putin öz məqsədlərinə doğru irəliləyə bilər.

Hansısa şəxslərə və ünvanlara yönəlmiş sahksiyalar onu qətiyyən narahat etmir. Putini ən çox neftin qiyməti natahatlandır.

Belə güman edirəm ki, prezident Barak Obama Ukrayna böhranına tam olaraq böyük əhəmiyyət vermək istəmir. Onun əsas ideyası İranla nüvə məsələsinə dair müqavilə imzalamaqdır.”

Con Makkeyn isə bildirib: ”Mən hətta bir nəfər də osun Amerikan əsgərinin döyüş zonasına göndərilməsinin qəti əleyhinəyəm. Ukraynalılar bunu bizdən xahiş də etmirlər. Lakin biz oraya döyüş texnikası və həmçinin də bir neçə hərbi təlimatçı göndərə bilərik.”

Vaqif

AzPolitika.info