Avropa Birliyi (AB) Türkiyə ilə Ermənistan arasında əlaqələrin normallaşmasını dəstəkləyir. Musavat.com erməni KİV-ə istinadən xəbər verir ki, bu barədə təşkilatın Ermənistandakı nümayəndəsi Trayan Xristea İrəvanda “Ermənistan-AB münasibətləri. Seçilən yeni kurs” mövzusunda keçirilən diskussiyanın gedişində bildirib.
“Biz Sürix protokollarının Ermənistan parlamentindən geri çağırılmasına baxmayaraq, tərəfləri heç bir şərt qoymadan əlaqələri normallaşdırmaq prosesinə sadiq qalmağa səsləyirik”, - deyə o qeyd edib.
AB yetkilisinin sözlərinə görə, “soyqırımın” 24 aprel ildönümü iki ölkə münasibətlərinin gələcəyi üçün bir test olacaq.
Şərhlər