Nigeriyanın neft naziri, OPEC üzvlərinin qiymətlərdəki geriləmənin davam etməsi halında təcili iclas keçirməyi müzakirə etdiyini deyib.
“Financial Times”ın xəbərinə görə, Nigeriyanın neft naziri Diezani Alison-Maduekenin açıqlamaları Neft İxrac Edən Ölkələr Birliyinin (OPEC) hasilatı gündəlik 30 milyon barreldə saxlamaq qərarının üstündən 3 ay keçəndən sonraya təsadüf edib.
Ötən ilin noyabrında Səudiyyə Ərəbistanı və körfəzdəki müttəfiqləri tərəfindən verilən qərar ilə hasilat kvotası azaldılmamışdı. OPEK-in əsas hədəfi bazar payını qorumaq idi.
Qiymətlərdəki azalma bütün dünyadakı enerji şirkətlərinə mənfi təsir edib, ABŞ-da şist nefti sənayesində ciddi bir ləngiməyə yol açıb. Qiymətlərdəki geriləmə neft istehsalçısı ölkələrinin maliyyə vəziyyətlərini pisləşdirib. /"Marja"
Şərhlər