Türkiyə prezidenti insanlara hisslərini şeirlə çatdırıb
Rəcəb Tayyib Ərdoğan Qarsda Heydər Əliyev adına liseyin açılışında xalq şairi Bəxtiyar Vahabzadənin şeirini oxuyub. Anspress-in məlumatına görə, Azərbaycan-Türkiyə münasibətlərindən və Novruz bayramından danışan Türkiyə prezidenti insanlara hisslərini şeirlə çatdırıb:
"Bir ananın iki oğlu,
bir amalın iki qolu.
O da ulus, bu da ulus,
Azərbaycan, Türkiyə
Dinimiz bir, dilimiz bir
Ayımız bir, ilimiz bir
Eşqimiz bir, yolumuz bir
Azərbaycan, Türkiyə".
Ərdoğan həmçinin qeyd edib ki, Anadoludakı vətəndaşlar Qarabağda zülmə məruz qalan azərbaycanlı qardaşlarının acısını ürəklərində hiss edir: "Bizim üçün İzmir, Ankara, Antalya, Trabzon nədirsə Bakı, Tiflis, Batum da odur", - deyə prezident söyləyib.
Şərhlər