Gürcüstan prezidenti Georgi Margvelashvili aprelin 24-də Ermənistanın iddi etdiyi “erməni soyqırımı”nın 100 illiyinə həsr edilmiş tədbirdə iştirak üçün Yerevana getməyəcək.
Bu barədə Gürcüstan prezidentinin beynəlxalq məsələlər üzrə müşaviri Tenigiz Pkhaladze aprelin 21-də keçirdiyi brifinqdə məlumat verib.
O qeyd edib ki, Belarus prezidenti Aleksandr Lukashenka aprelin 22-24-də Gürcüstanda rəsmi səfərdə olacaq, buna görə də Margvelashvili Yerevana gedə bilməyəcək.
Ermənistan Osmanlı imperiyası dövründə milyonyarım erməninin soyqırımına məruz qaldığını iddia edir.
Türkiyə isə bu rəqəmin qat-qat şişirdildiyini və həmin vaxt Türkiyədə baş verən vətəndaş müharibəsində hər iki tərəfdən xeyli ölənlər olduğunu deyir.
Şərhlər