İŞİD terror qruplaşması liviyalı jurnalistləri qətlə yetirib. Anspress-in məlumatına görə, Liviyanın şərqində işləyən beş jurnalistin başlarının kəsilərək qətlə yetirildiyi məlum olub. Bu barədə “Reuters” xəbər yayıb.
Xəbərdə bildirilir ki, Liviya ordusunun komandanlarından Faraj al-Barassi cəsədlərin Yaşıl Dağ adlı ərazidə aşkar edildiyini deyib.
Xatırladaq ki, Liviyanın “Barqa” televiziyasının 4-ü liviyalı, biri misirli olan jurnalistlər ötən ilin avqust ayından bəri itkin hesab olunurdu. Onların Əl-Bayda və İŞİD-in nəzarətindəki Dərna bölgəsi yaxınlığında qaçırıldıqları güman edilirdi.
Şərhlər