Olimpiya çempionumuz Toğrul Əsgərov qızıl medal qazanıb.
Apasport.az saytının məlumatına görə, güləşçimiz finalda Frank Kamizo Marqueslə (İtaliya) üz-üzə gəlib.
London Olimpiadasından sonra ən yaxşı formasında olan idmançımız son döyüşünü qələbə ilə başa vurub. Toğrul hesabda 0:2 hesabı ilə geri düşməsinə baxmayaraq, ilk hissədə cütün taleyini həll edib. Təmiz qələbə qazanan Olimpiya çempionumuz qızıl medallarımızın sayını 9-a, ümumilikdə isə mükafatlarımızın sayını 20-yə çatdırıb.
İkiqat Avropa çempionumuz Cəbrayıl Həsənov isə üçüncü yer uğrunda görüşdə Cəbrayıl bolqarıstanlı Kiril Terziyevlə qarşılaşıb və 9:0 hesabı ilə qalib gəlib.
Apasport.az saytının məlumatına görə, onun qazandığı bürünc medal yığmamızın 21-ci mükafatı olub.
Cəbrayıl Həsənov da Əliyev kimi yarışa ikinci mərhələdən qatılıb. 1/8 finalda Mihali Haqi (Macarıstan) ilə güləşən dünya çempionatının mükafatçısı 10:0 hesablı qələbə sayəsində 1/4 finala yüksəlib. O, növbəti qarşılaşmasını türkiyəli Soner Dəmirtaşla qüvvəsini sınayıb. Cəbrayıl 3:0 hesabı ilə öndə olsa da, yekunda 3:5 hesabı ilə uduzub.
Dəmirtaş finala yüksəldiyindən həmyerlimiz təsəlliverici görüşə qatılıb. O, bu mərhələdə Anri Seleniusa (Finlandiya) qalib gələrək, bürünc medal uğrunda yarışmaq hüququ qazanıb.
Şərhlər