Rusiyanın paytaxtı Moskvada Ukraynaya hərbi müdaxiləyə qarşı etiraz aksiyası keçirilib. Axar.az xəbər verir ki, aksiya iştirakçıları qətlə yetirilən rusiyalı müxalifətçi Boris Nemtsovun plakatlarını da qaldırıblar. Aksiyanı "Həmrəylik" hərəkatı keçirib. "Ukraynaya qarşı təcavüzə son", Rusiyada böhran - Putin istefa", "Mariupol Ukraynadır" kimi şüarların səsləndirildiyi mitinqdə Rusiya və Ukrayna bayraqları birgə dalğalandırılıb. Qeyd edilib ki, Rusiya Kütləvi İnformasiya Vasitələri (KİV) insanların beyinlərinin yuyulması istiqamətində təbliğat aparırlar.
Şərhlər