Nobel Sülh Mükafatı laureatı Malala Yousafzai iyulun 7-də dünya liderlərini çağırıb ki, dünyadakı bütün uşaqların pulsuz təhsilə çıxışını maliyyələşdirmək üçün “hərbi xərclər 8 günlüyə kəsilsin”.
Laureatın qeyri-kommersiya qrupu olan Malala Fondunun araşdırmasına görə, hər il məktəb xərclərinin ödənməsinə 39 milyard dollar lazımdır. Osloda BMT-nin təhsil sammitinə danışan Malala iyulun 7-də deyib ki, 39 milyard təkcə 8 gün ərzində hərbi xərclərə gedir.
İyulun 12-də Malala-nın 18 yaşı tamam olur. O, iyunda Dünya Bankının prezidenti Jim Yong Kim-lə görüşüb, bu ilin sonuna elan ediləcək “Davamlı İnkişaf Məqsədləri” rəsmi paketini müzakirə edib.
Malala iyulun 7-də deyib ki, “orta təhsil də bu məqsədlər sırasındadır və təmin olunacaq”. /"Azadlıq" radiosu
Şərhlər