Müdafiə Sənayesi Nazirliyinin (MSN) Şirvan şəhərindəki "Telemexanika" Zavodunda baş vermiş partlayış nəticəsində xəsarət alanlardan biri Respublika Yanıq Mərkəzində vəfat edib.
Yanıq Mərkəzindən APA-ya verilən məlumata görə, 1971-ci il təvəllüdlü Xatirə İnşallah qızı Səttarova bu gün səhər saat 7 radələrində reanimasiya şöbəsində dünyasını dəyişib.
Qeyd edək ki, iyulun 7-də zavodun sexlərinin birində yaranmış qısaqapanma nəticəsində sıçrayış olub, nəticədə 20 kvadratmetr sahədə yanğın baş verib.
Baş verən hadisə zamanı 1 nəfər ölüb, 19 nəfər isə xəsarət alıb.
Şərhlər