Maliyyə hesabatı verməyən partiyaların adları açıqlandı - Siyahı

Azərbaycanda rəsmi qeydiyyatdan keçən partiyalardan illik maliyyə hesabatı verməyən partiyalar məlum olub.

APA-nın məlumatına görə, Mərkəzi Seçki Komissiyasının (MSK) sədr müavini Natiq Məmmədov bildirib ki, ümumilikdə 51 partiya illik maliyyə hesabatını təqdim edib. 4 partiya isə illik maliyyə hesabatını təqdim etməyib. İllik maliyyə hesabatını MSK-ya təqdim etməyən partiyalar bunlardır: Azərbaycan Dirçəliş və Tərəqqi Partiyası, Azərbaycan Milli Hərəkat Partiyası, Azərbaycan Vətənpərvərlər Partiyası, Azərbaycan Naminə Alyans Partiyası.

Qeyd edək ki, bu il qanunvericilikdə edilən dəyişikliyə əsasən, Azərbaycandakı siyasi partiyalar maliyyə hesabatlarını MSK-ya təqdim edir.