İŞİD terror qruplaşması Rusiya ərazisinə ciddi təhlükədir. Musavat.com-un Rusiya KİV-ə istinadən verdiyi məlumata görə, belə bir açıqlama ilə Kollektiv Təhlükəsizlik Müqaviləsi Təşkilatının (KTMT) baş katibi Nikolay Bordyuja çıxış edib.
“İŞİD – bütün dövlətləri hədələyən mütləq şərdir. Onun sıralarında bütün Avropa dövlətlərinin, Rusiyanın, KTMT ölkələrinin təmsilçiləri döyüşür və onlar bütün ağır nəticələri ilə birgə gec-tez harasa qayıdacaqlar” – qeyd edib Bordyuja.
Onun sözlərinə görə, ən təhlükəlisi odur ki, İŞİD əsas məqsəd kimi öz qarşısına nüfuzunu genişləndirmək və yeni əraziləri zəbt eləmək hədəfi qoyub. “Bu, o deməkdir ki, gec-tez İŞİD silahlıları ölkəmizin sərhədlərinə çıxmağa çalışacaqlar - nəyi ki, bəlli səbəblərdən biz qətiyyən arzulamırıq. Situasiya fikrimcə, çox ciddidir” - əlavə edib baş katib.
Şərhlər