Bakıda 5 gün əvvəl özünü yandıran 24 yaşlı qız vəfat edib. Bu barədə APA-ya Səbail rayon Polis İdarəsindən bildirilib.
Məlumata görə, Məlakə Bayramlı bu gün səhər saatlarında aldığı yanıq xəsarətlərindən vəfat edib.
O, yanvarın 30-da Səbail rayonu ərazisində üzərinə yandırıcı maddə tökərək özünü yandırmaqla intihara cəhd edib. Lənkəran şəhərində qeydiyyatda olan Bayramlı yanıq xəsarətləri ilə 5 saylı Klinik Xəstəxanaya yerləşdirilib.
İntihara səbəb qızın sevgilisi tərəfindən aldadılmasıdır.
Fakt üzrə Səbail rayon Prokurorluğunda Cinayət Məcəlləsinin 125-ci maddəsi ilə cinayət işi başlanaraq istintaq aparılır.
Həmin iş üzrə cinayəti törətməkdə şübhəli bilinən Əli Həbibli artıq saxlanılıb.
Şərhlər