Senytabrın 25-də polis «Müsəlman Birliyi Hərəkatı»nın sədri, ilahiyyatçı Tale Bağırzadəni Yevlaxda saxlayıb.
Bu haqda AzadlıqRadiosuna danışan hadisə şahidi deyir ki, hacı Tale məscidə gələrkən, əli silahlı polislər məscidi mühasirəyə alıblar:
“Hacı Tale Yevlaxa baldızının nişanında iştirak üçün gəlmişdi. Nişan sabah olacaq. Bu gün məscidə gedərkən, əli avtomatlı polis məscidi mühasirəyə aldı. Heç Tale hələ məscidə girməmişdi. Özü qabağa çıxdı ki, mənə görə gəlmisiniz? Onlar da dedi ki, “getdik”. Beləcə apardılar polis şöbəsinə”.
Yevlax rayon Polis şöbəsinin növbətçi hissəsindən isə AzadlıqRadiosuna deyiblər ki, bu haqda geniş məlumatı bir müddət sonra verə bilərlər.
Şərhlər