Bu gün London birjasında Brent markalı neftin qiyməti 2009-cu ildən bəri ilk dəfə olaraq 42 dollardan aşağı düşüb.
2016-cı ilin yanvarı üçün nəzərdə tutulan fyüçers müqavilələri 42 dollardan aşağı qiymətə bağlanmağa başlayıb. Sonuncu dəfə neft 2009-cu ilin martında bu cür ucuz olub.
Brent nefti Bakı vaxtı ilə 19:45-də 41,35 dollardan satılıb. Brent nefti 4%-ə yaxın ucuzlaşıb.
ABŞ xam nefti isə 4,6% ucuzlaşaraq 38,18 dollara düşüb.
Neftin qiymətinin aşağı düşməsi Rusiya rublunun daha da zəifləməsinə səbəb olub. Moskva birjasında dolların kursu 69 rublu keçib, avronun kursu isə 75 rubla yaxınlaşıb. /Marja
Şərhlər