İŞİD terror təşkilatı sərnişin avialaynerini və hərbi təyyarəni vura biləcək silah hazırlamaq, həmçinin uzaqdan idarə edilə bilən minalanmış avtomobillər yaratmaq imkanı əldə edib. FaktXəbər-in verdiyi məlumata görə, bu barədə Sky News telekanalında bildirilib.
Telekanalın məlumatına görə, İŞİD-in Suriyadakı "paytaxtı" Rəkka şəhərində terrorçular üçün işləyən elm adamları və hərbi ekspertlər "yer-hava" sinfli raketlər üçün əldəqayırma istilik batareyaları istehsal edə biliblər. Bu da avtomatik hədəfə tuşlanan termal başlıqlı raketlərin döyüş hissələrini hazırlamağa imkan verir.
Telekanalın əldə etdiyi videoda görünür ki, terrorçular hazırda Qərb hökumətləri tərəfindən köhnəlmiş kimi qeydiyyatdan keçən yüzlərlə raketi yenidən sıraya düzə bilər.
Termal özütuşlanan raket başlıqları 99 faiz dəqiqliklə sərnişin və hərbi təyyarələrə hücum üçün istifadə oluna biləcəyi xüsusi vurğulanır. FaktXeber.com-un Independent-ə istinadla məlumatına görə, ekspertlər terrorçuların çoxdan belə bir silah əldə etdiyini, ancaq raketlər üçün vacib olan istilik batareyalarının saxlanılması və istehsalının xüsusi elm tələb edən bir sahə olduğunu bildirmişdilər. Bundan əlavə videoda uzqdan idarə edilə bilən minalanmış avtomobillə bağlı eksperimentlər də həyata keçirilir. Avtomobilin sükanı arxasında maneken əyləşdirilib.
Şərhlər