İranla Azərbaycanın dəmir yolları 2016-cı ilin sonuna birləşdiriləcək.
Bu haqda fevralın 23-də İran prezidenti Hassan Rouhani prezident İlham Əliyevlə görüşündən sonra xəbər verib.
Trend-in xəbərinə görə, Hassan Rouhani deyib ki, İran və Azərbaycanın Astara şəhərlərinin dəmir yollarının cari ilin sonunadək birləşməsi vacib hadisə olacaq:
««Şimal-Cənub» dəmiryolu Şimali Avropanı Cənub-Şərqi Asiya ilə birləşdirəcək. Bu, Azərbaycan, İran və Rusiya dəmir yolları üçün birləşdirici hissə olacaq»,-deyə İran prezidenti qeyd edib.
Azərbaycan prezidenti İlham Əliyev İran İslam Respublikasında səfərdədir.
Bu səfər çərçivəsində iki ölkə arasında əməkdaşlığa dair ümumilikdə 11 sənəd imzalanıb.
Şərhlər